Kannski fara góðir borðsiðir aldrei úr tísku
Í bókinni Culture Builders: A Historical Antropology of Middle-Class Life sem fjallar um tilurð sænskrar borgarastéttar á nítjándu öld, heldur Orvar Löfgren því fram að kunnátta á borðsiðum hafi veitt þeim sem þá þekktu visst öryggi. Fólk vissi hvaða gaffal skyldi nota í hvaða rétt, hvernig ætti að skála og hvernig ætti yfir höfuð að haga sér rétt við matarborðið. „Við matarborðið sást hverjir kunnu sig og hverjir ekki, hverjir komu úr góðum fjölskyldum og höfðu hlotið mannsæmandi uppeldi og hverjir ekki.” Þrátt fyrir að um sé að ræða mannasiði sænskrar millistéttar fyrir meira en öld síðan, þá er ekki laust við að það örli á þessum hugsunarhætti enn í dag. Kannski fara góðir borðsiðir aldrei úr tísku.
— BORÐSIÐIR/KURTEISI — GÖMUL RÁÐ — SVÍÞJÓÐ —
.
