Kippo í Helsinki – TripAdvisor. Það er áhugavert að skoða heiminn með því að prófa það sem boðið er upp á matarkyns í mismunandi löndum. Síðustu ár höfum við notað TripAdvisor síðuna mikið. Þar skrifa gestir umsagnir og gefa stjörnur. Við vorum að koma heim frá Helsinki og notfærðum við okkur TripAdvisor.com síðuna aftur og aftur. Einn þeirra staða sem skoraði hátt heitir Kippo, lítill staður sem ekki fer mikið fyrir en stóð algjörlega undir öllum skrifum á síðunni góðu. Sennilega hefði Kippo farið framhjá okkur án TripAdvisor. Hvet ykkur til að skoða síðuna næst þegar þið leggið land undir fót, líka innanlands.
— FINNLAND —
