Ferskt og svalandi vatnsmelónusalat
Sumarlegt salat sem á vel við á góðviðrisdögum. Það getur bæði verið sér réttur, þegar enginn nennir að stússast í eldhúsinu á hlýjum sumardögum, eða meðlæti með (grill)matnum. Salat er sáraeinfalt og tekur stutta stund að útbúa það. Til tilbreytingar má saxa rauðlauk og bæta við þetta litfagra salat.
.
— SALÖT — VATNSMELÓNUR —
.
Ferskt og svalandi vatnsmelónusalat
4 b fersk vatnsmelóna, skorin í bita
1 b fetaostur
handfylli af mintu
1 msk hunang
2 msk ólífuolía
safi úr 1/2 lime
salt og pipar
Byrjið á að taka utan af melónunni og fræhreinsa. Skerið í bita og setjið í salatskál. Hellið olíunni af fetaostinum og dreifið honum yfir melónunina. Saxið mintu og stráið yfir salatið. Blandið saman í glerkrukku hunangi, olíu, limesafa, salti og pipar. Setjið lokið á og hristið vel saman. Hellið yfir salatið.
Melónusalatið birtist á hinum stórfína matarvef Moggans
.
— VATNSMELÓNUSALAT —
.
