Karamelluterta með rifsberjum
Gunnu Stínu kynntist ég fyrir tæpum þremur áratugum og varð strax heillaður af þessari lífsglöðu konu sem lenti í hverju ævintýrinu á fætur öðru og hló innilega að öllu saman.
Hún kallar ekki allt ömmu sína, auk þess að starfa dags daglega sem geislafræðingur hefur hún rifið upp blakdeildina í Mosfellsbænum svo eftir því er tekið.
Gunna Stína bauð okkur Bergþóri í kaffi í dag. Við skelltum okkur í sund áður og mættum banhungraðir í sunnudagskaffið.
2017Gestabloggari 38/52 — GUNNA STÍNA — RIFS —NESKAUPSTAÐUR — KARAMELLU… —
Karamelluterta með rifsberjum
Botn
150 g smjör
1/3 dl sykur
3 dl haframjöl
2 dl hveiti
Fylling:
1,d dl rjómi
50 g smjör
1,5 dl ljóst síróp
1/2 dl sykur
200 g ljóst súkkulaði
1/2 tsk salt
2 dl rifsber
Botn: Bræðið smjör í pott. Bætið sykri, haframjöli og hveiti út í. Hrærið saman þangtð ti það er orðið að deigi. Setjið deigið í bökuform, notið fingur til að fletja deigið út í forminu. Bakið í 10-12 mín.
Fylling: Setjið rjóma, smjör, síróp, sykur og salt í pott. Látið suðuna koma upp, sjóðið á vægum hita í 10-15 mín eða þar til karamellan er byrjuð að dökkna og þykkna. Takið af hellunni. Brjótið súkkulaðið út í pottinn og hrærið í á meðan það bráðnar. Hellið súkkulaðikaramellunni yfir botninn og stráið rifsberjum yfir. Látið bökuna stífna í kæli, gjarnan yfir nótt.
Uppskriftin barst Gunnu Stínu sem stafræn ljósmynd úr bók/bæklingi (veit ekki hvaða) en ég sé að hin ágæta síða Eldhússystur hefur áður birt þessa uppskrift undir heitinu Dásamleg rifsberjabaka
myndband: Karamelluterta
.
2017Gestabloggari 38/52 — GUNNA STÍNA — RIFS —NESKAUPSTAÐUR — KARAMELLU… —
— Karamelluterta með rifsberjum —
.
