Bleikt síðdegiskaffiboð
Það er kunnara en frá þurfi að segja að alvöru tertuboð veita mér gríðarlega ánægju. Arna Guðlaug Einarsdóttir hélt extra fínt síðdegiskaffiboð með bleiku þema fyrir nokkrar vinkonur sínar en þær bjuggu allar í Brussel á sama tíma. Ein tertan var sérstaklega mér til heiðurs með tilheyrandi merkingu sem Hlutprent útbjó listafallegt. Arna tekur að sér að baka og skreyta fyrir fólk, hún er með síðuna Kökukræsingar Örnu.
— ARNA GUÐLAUG —
.
Kampavínsbollakökur
1 2/3 bollar hveiti
1 bolli sykur
¼ tsk matarsódi
1 tsk lyftiduft
¾ bolli smjör (við stofuhita)
3 eggjahvítur
1 tsk vanilludropar
½ bolli sýrður rjómi
½ bolli + 2 msk kampavín
Bleikir matarlitur (má sleppa en ég setti hann)
Öllum þurrefnunum er blandað saman í skál, því næst er eggjahvítunum, vanillunni, sýrða rjómanum og kampavíninu blandað saman við á miðlungshraða.
Skiptið deiginu niður í 12-14 form (eða hálft formið)
Bakið við 180°(160° í blástursofni) í 18-20 mínútur
Kampavínskrem
½ bolli smjör
½ bolli Crisco (shortening)*
4 bollar flórsykur
4-5 msk kampavín
Bleikur matarlitur (má sleppa)
Blandið smjöri og Crisco vel saman þar til áferðin er mjúk og slétt.
Bætið tveimur bollum af flórsykri saman við smjörblönduna og blandið vel saman
Því næst er kampavíninu bætt við og hrært vel saman
Að lokum fara seinni tveir bollarnir af flórsykri saman við og blandað vel saman eða þar til kremið hefur fengið fallega silkiáferð
Kreminu er svo sprautað á bollakökurnar eftir að þær hafa kólnað.
*Er mikið í smjörkrem, aðallega til að losna við þetta mikla smjör bragð
.
— FLEIRI GESTABLOGGARAR — ARNA GUÐLAUG —
.
