Bláberja-pæ
Þegar ég sá uppskriftina fyrst runnu á mig tvær grímur: bláber, kanill og sítrónusafi!!! En ágætt að dæma ekki um of fyrirfram. Þannig að bakan var útbúin og öllum líkaði vel. Pæ-deigið má útbúa deginum áður og geyma í ísskáp.
.
Bláberja-pæ
Pæ-deig:
1 1/2 b hveiti
250 g smjör
4 msk sykur
1/2 tsk salt
2-3 msk vatn
Fylling:
2 b bláber
1/4 b sykur
1/4 b hveiti
1 tsk kanill
2 msk sítrónusafi
50 g smjör
Breiðið deigið út í minnsta pæ-form. Takið frá svolítið af deiginu til að setja yfir í lokin. Hrærið saman í skál sykur, hveiti og kanil. Blandið berjum saman við og hellið ofan á pæ-skelina. Kreistið sítrónusafa yfir, skerið kalt smjör í þunnar skeljar og leggið yfir. Fletjið restinni af deiginu út og skerið í þunnar ræmur, leggið yfir bláberin og bakið í 35-40 mín við 175°C. Berið fram og hafið vel af þeyttum rjóma eða vanilluís með.
.
..
