Truflaðar súkkulaði- og kaffitrufflur
Fátt er betra með góðum kaffisopa en alvöru súkkulaðitrufflur. Þær eru silkimjúkar, bragðmiklar og hæfilega fullorðinslegar með kaffi, örlitlu salti og agnarlitlum chili-keim. Vandamálið er kannski helst að ein truffla verður fljótt að fimm, tíu eða fimmtán…
— TRUFFLUR — SÚKKULAÐI — KAFFI —
.
Truflaðar súkkulaði- og kaffitfruflur
3/4 bolli rjómi
2 msk smjör
2 msk neskaffiduft
300 g gott dökkt súkkulaði
smá salt
smá chili
ljóst kakó
flórsykur, til að sigta yfir
Setjið rjóma, smjör, kaffiduft, súkkulaði, salt og chili í hitaþolna skál og bræðið varlega yfir vatnsbaði. Hrærið þar til blandan er slétt og glansandi. Látið kólna þar til hún er orðin nógu stíf til að móta kúlur, en ekki alveg hörð.
Mótið litlar kúlur og veltið þeim upp úr ljósu kakói. Sigtið örlítinn flórsykur yfir og kælið fram að framreiðslu.
Fleira áhugavert:
— Íslensk kjötsúpa í Grímsey – Ítölsk sítrónukaka — Dúllað svepparisottó hjá Hildigunni Einars — Daglegt lyftiduftsbrauð — Humarveisla Önnu Rósu — Frómas, bestu uppskriftirnar — Rabarbarasulta — Matur og gigtareinkenni — Steikt blómkál — Bláber eru holl, mjög holl — Rabarbarapæ á Hóli