Hnerri
Þetur verið verulega hressandi að hnerra almennilega. Hnerri er ósjálfrátt viðbragð við ertingu slímhúðar í nefi. Við hnerrum til að hreinsa út ryk, slím og aðskotahluti úr öndunarveginum en um leið er hætta á að dreifa sýklum frá okkur ef hnerrinn er kröftugur og fer óhindraður út í loftið.
Sjálfur hnerra ég helst þegar ég sveifla piparstauknum helst of mikið. Já og í eina skiptið sem ég tók í nefið, þá hnerraði ég í hálfan dag. Varhugavert getur verið að bæla niður öflugan hnerra með því að halda fyrir munn og nef. Stundum eru aðstæður þannig að þær leyfa alls ekki hnerra. Flest kunnum við okkar aðferðir til að koma í veg fyrir hnerrann.
Nokkur atriði varðandi hnerra:
-vörumst að hnerra út í loftið, ekki viljum við dreifa bakteríum og öðru.
-hnerrum í olnbogabótina þegar það á við.
-sleppum því að halda lófanum fyrir munninum. Með höndunum snertum við fjölmargt og heilsum fólki.
-við borðhald getum við eiginlega ekki hnerrað í olnbogabótina, ekki í lófann og alls ekki út í loftið. Þá kemur bréfþurrka sér vel ef ekki er hægt að bæla niður hnerrann.
—BORÐSIÐIR-KURTEISI — GÖMUL RÁÐ OG HÁTTVÍSI — ÍSLENSKT —
👍
