Smákökusamkeppni Íslensku lögfræðistofunnar

Axel Kári Vignisson íslenska lögfræðistofan Svanhvít Þórarinsdóttir smákökur jólasmákökur jólabakstur haukur örn birgisson Dómnefndin og sigurvegarinn: Bergþór, Svanhvít, Axel Kári og Albert
Dómnefndin og sigurvegarinn: Bergþór, Svanhvít, Axel Kári og Albert

Smákökusamkeppni Íslensku lögfræðistofunnar

Eins og undanfarin ár dæmdum við í árlegri smákökusamkeppni Íslensku lögfræðistofunnar. Og eins og undanfarin ár tókum við með okkur gestadómara. Starfsfólkið fékk vísbendingar, eina á dag alla vikuna um gestadómarann sem var fyrrverandi samstarfskona þeirra Svanhvít Þórarinsdóttir. Axel Kári Vignisson sigraði glæsilega og hlaut fullt hús stiga. Smákökurnar þóttu ekki of sætar, stökkar, ljúffengar, mjög, mjög góðar og eitthvað fleira var nefnt.

SMÁKÖKURAPPELSÍNURJÓLINPEKAN

.

Pekangott

„Ég viðurkenni fúslega að uppskriftin er að mestu frá Evu Laufeyju, en ég breytti örlítið og bætti við saltkaramellunni.” segir Axel Kári

Pekangott

230 g smjör
180 g púðursykur og sama af ljósum púðursykri
2 egg
320 g hveiti
1 tsk lyftiduft og matarsódi
1 poki pekanhnetur (um 100 gr) eða eftir smekk!
1 pakki suðusúkkulaði (2 plötur)
1 poki saltkaramelluhnappar
1 tsk vanilludropar

Hrærið smjör og sykur saman
bætið eggjum við einu í einu og hrærið áfram
bætið þurrefnum rólega við og hrærið áfram
bætið söxuðum hnetum, súkkulaði og saltkaramellu við og hrærið vel með sleikju (Gott að geyma smá suðusúkkulaði til að bræða og setja yfir kökurnar eftir bökun)
Mótið kúlur og setja á plötu með bökunarpappír.
bakið við 180 gráður í u.þ.b. 10 mín

Þetta er stór uppskrift og ég þurfti að geyma smá til að baka síðar. Jafnvel gott að helminga hana.

Súkkulaðisletta

Haukur Örn Birgisson lenti í öðru sæti með Súkkulaðislettu (nafnið kemur frá dóttur hans)

Súkkulaðisletta

5 dl hveiti
1 tsk matarsódi
1/4 tsk salt
1 1/4 dl púðursykur
1 1/4 dl sykur
200 g smjör
1 egg
2 tsk vanilludropar
3 dl Rice Crispies
150 g Siríus rjómasúkkulaði með sjávarsalti
150 g Siríus rjómasúkulaði hreint

Blandið saman hveiti, matarsóda og salti í skál og hræðið vel saman.
Í annarri skál, hræðið saman púðursykri, sykri og egginu. Setjið því næst vanilludropana út í og haldið áfram að hræra. Réttast er að notast við hræðivél.
Blandið þurrefnunum rólega saman við þar til allt hefur blandast vel saman.
Bætið rólega Rice Crispies saman við og því næst smátt söxuðu sjávarsalts súkkulaðinu.
Hnoðið í litlar kúlur og leggið á ofnplötu. Bakið í ofni við 180°C í 15 mínútur eða þar til kökurnar eru orðnar fallega gylltar.
Bræðið rjómasúkkulaðið í potti og látið leka yfir kökurnar, til skreytingar.

Pekangott
Bergþór, Albert, Svanhvít, Axel Kári, Íris Hrönn, Ingvar Smári og Haukur Örn

Auglýsing

Meira úr sama flokki

Stór eða lítil eyru?

Eyru

Stór eða lítil eyru? Þegar búið er að virða fyrir sér líkamann í heild, er oft fróðlegt að athuga eyrun. Menn með stór eyru eru oft gefnir fyrir grænmeti og fyrirferðamikinn mat. Smáeyrður maður vill oftast heldur kjöt og aðra kjarnmikla fæðu.

Hnetuhrískex – undurgott hollustunammi

Hnetuhrískex

Hnetuhrískex. Stundum fæ ég sendar uppáhalds uppskriftir fólks. Lísa sendi mér þetta hnetuhrískex sem er verulega gott nammi. Undurgott hnetuhrískex getur bætið verið fyrirtak með góðum kaffisopa og líka sem hollustunammi milli mála.