Paska – Úkraínskt páskabrauð – Великодня паска.
Víða í Evrópu er hefð fyrir sérstöku páskabrauði, brauðin lítið eitt sæt, ýmist með (þurrkuðum) ávöxtum í eða ekki og sum með kremi. Formið á því minnir eilítið á panettone hið ítalska sem margir kannast við. Eins og algent með uppskriftir eru til ýmsar útgáfur af Úkraínaka páskabrauðinu, þessi varð fyrir valinu hjá okkur en við vorum sammála að gott hefði verið að setja rúsínur í deigið – það hefði gert gott brauð enn betra.
🇺🇦
— ÚKRAÍNA — PÁSKAR — BRAUÐ — PÁSKABRAUÐ — PANETTONE —
🇺🇦
Úkraínskt páskabrauð – Paska – Великодня паска
1 bolli mjólk
1/3 bolli sykur og ½ tsk sykur
1/3 bolli volgt vatn
3 tsk þurrger
5 b hveiti (skipt upp)
2 stór þeytt egg
60 gr brætt smjör
1 msk salt
Eftir smekk, bætið við rúsínum, vanillu eða sítrónuberki.
Ofan á:
1 egg slegið saman með 2 msk vatni
Hitið mjólkina og takið af hellunni. Leysið ½ tsk af sykri upp í volgu vatninu í hrærivélarskálinni og dreifið gerinu yfir. Látið standa í 10 mín.
A. Bætið mjólkinni við ásamt 2 b hveiti og hrærið vel saman. Setjið disk yfir og látið lyfta sér þar til blandan er létt og komnar bólur á yfirborðið.
B. Bætið nú við 2 eggjum (einu í einu), 1/3 b sykri, bræddu smjöri, salti og 3 b hveiti (1 b í einu). Setjið vörn yfir vélina og farið hægt af stað, svo að hveitið gusist ekki upp í loft. Best er að gangsetja og slökkva strax til skiptis. Bætið meira hveiti við ef deigið losnar ekki frá skálinni, kannski ½ bolla.
🇺🇦
Setjið disk yfir skálina og leyfið deiginu að tvöfaldast. Sláið niður og setjið 2/3 af deiginu í stórt kökuform, en notið afganginn í slaufur, rósir eða hvað sem hugurinn girnist.
Hendið þurrkustykki yfir og leyfið deiginu að tvöfaldast. Penslið með eggjablöndunni og setjið í 200°C heitan ofn í 15 mín.
🇺🇦
🇺🇦
— ÚKRAÍNA — PÁSKAR — BRAUÐ — PÁSKABRAUÐ —
🇺🇦
