Fiskbollur – hin klassíska góða uppskift
Sumar uppskriftir fylgja manni nánast alla ævi. Fyrir mig eru fiskibollur einmitt þannig réttur – eitthvað kunnuglegt, hlýlegt og alltaf jafn gott. Ég man ekki eftir mér án þeirra, og enn í dag finnst mér fátt jafnast á við ilminn af nýsteiktum fiskbollum á pönnunni. Þessi færsla birtist á blogginu fyrir nokkrum árum, en hún á svo sannarlega erindi enn.
Uppskriftin er upprunalega úr bókinni Við matreiðum eftir Önnu Gísladóttur og Bryndísi Steinþórsdóttur, aðeins umorðuð og löguð að minni notkun í gegnum árin. Hún er algjörlega skotheld – klikkar einfaldlega ekki. 😊
Ég hvet ykkur sérstaklega til að gera fiskfarsið sjálf. Það er bæði einfalt, ódýrara og bragðið allt annað. Þegar maður hefur einu sinni prófað að búa fiskibollur til frá grunni, þá er erfitt að fara aftur í tilbúnar lausnir.
🐟
— FISKUR — FISKBOLLUR — FISKUR Í OFNI – VIÐ MATREIÐUM — FASBÓK — BOLLUR —
🐟
Fiskibollur
5-600 hakkaður fiskur
1 – 1 1/2 tsk salt
1/2 tsk pipar
1 1/2 laukur, saxaður smátt (eða hakkaður með fiskinum)
1/2 tsk múskat
1/2 tsk hvítlaukssalt
4 msk hveiti
2-3 msk kartöflumjöl
2 egg
2 -3 dl mjólk.
Hrærið fiskhakkið í hrærivél með lauk og kryddi.
Sléttið deigið yfir í skálinni og skiptið því í fjóra jafna hluta. Takið einn hlutann upp og setjið hveiti og kartöflumjöl í staðinn, eða mælið mjölið eins og sagt er í uppskriftinni.
Hrærið áfram og bætið eggjum og mjólk smátt og smátt saman við.
Athugið: Magn mjólkur fer eftir því í hvað á að nota farsið – þykkast í soðnar bollur, aðeins þynnra í steiktar bollur og þynnst í fiskbúðing.
Látið deigið bíða í nokkrar mínútur eftir að það hefur verið hrært og bætið vökva við ef þarf.
🐟
— FISKUR — FISKBOLLUR — FISKUR Í OFNI – VIÐ MATREIÐUM — FASBÓK — BOLLUR —
🐟