Franskættað kartöflugratín – Tartiflette
Stundum skjóta gamaldags franskir heimilisréttir upp kollinum hér á heimilinu, en skýringin er sú að Bergþór var skiptinemi í France fyrir löngu síðan. Upprunalega er þetta kartöflugratín, „tartiflette“ sennilega frá Alsace, en ýmsar útgáfur eru til af því um álfuna. Þessi hefur þróast þannig hér í kotinu, að afgangar af sterkum ostum sem geymdir eru í frysti, eru rifnir niður í miklu magni.
Þegar frost er úti, er þetta svoooo gott. Við notum kartöflugratín yfirleitt sem meðlæti, en tartiflette sómir sér vel sem aðalréttur. Helsti munurinn er sá að í þessu franska er enginn rjómi.
—GRATÍN — KARTÖFLUR — FRAKKLAND — MEÐLÆTI — BEIKON — KARTÖFLUGRATÍN — BERGÞÓR —
.
Franskættað kartöflugratín – Tartiflette
700 g kartöflur í sneiðum
150 g beikon í litlum bitum
2 stórir laukar saxaðir
200 g smjör
rifinn bragðmikill ostur, t.d. gráðaostur, Jarl, extra mature Cheddar o.s.frv.
salt, e.t.v. ferskt rósmarín.
Steikið beikon á pönnu, rífið niður ost og vel af honum, blandið öllu saman í eldfast mót og bakið í 45-60 mínútur. Skreytið með einhverju fersku, t.d. rósmarín. Hafið gróft salt við hendina.
—GRATÍN — KARTÖFLUR — FRAKKLAND — MEÐLÆTI — BEIKON — KARTÖFLUGRATÍN — BERGÞÓR —
.
