Royalistar fylgdust spenntir með krýningu Karls og Kamillu. Vilborg tjaldaði öllu til og bauð prúðbúnum royalistum heim og veitingarnar voru nú ekki af verri endanum.
Boðskort í viðhafnarveislunaKrýningarbakan, The Coronation Quiche
Höllin gaf út svokallaða krýningarböku Karls og Kamillu, The Coronation Quiche. Uppskriftin er HÉR.
Þegar Elísabet II var krýnd var krýningarrétturinn rjómakarrýkjúklingur undir indverskum áhrifum, Poulet Reine Elizabeth/Coronation chicken. Uppskriftin er HÉR.
Víða um land hittumst royalistar og fögnuðu konungshjónunum, hér eru nokkrar myndir:
Benni royalisti með veitingarnar sem hann gerði. Þ.á.m. uppáhalds tertuna hans Karls; Victorian SpongeJói og Kristín slóu upp veislu í Kjarval í AusturstrætiKrýningarveisla hjá Þórunni og SveinbjörguÓlafía sendi þessa mynd úr sínu boðiKristín hélt krýningarveislu
.
Karl konungur 3
Karl konungur 3. (Charles Philip Arthur George, áður Karl prins af Wales), fæddist 14. nóvember 1948. Hann er konungur Bretlands og fjórtán annarra ríkja í Breska samveldinu. Karl er elsta barn Elísabetar Bretadrottningar og Filippusar prins.
Elísabet varð drottning Bretlands árið 1952 og Karl varð því erfingi að bresku krúnunni þegar hann var aðeins þriggja ára gamall. Hann hlaut titilinn prins af Wales árið 1969 og átti eftir að bæta við sig fleiri aðalstitlum gegnum árin.
Árið 1970 útskrifaðist Karl með tvöfalda BA-gráðu úr námi í fornleifafræði og mannfræði. Hann varði einu ári í skiptinám í Wales til að læra velsku. Karl gegndi þjónustu í breska flughernum og sjóhernum frá 1971 til 1976.
Við andlát móður sinnar Elísabetar 2. þann 8. september 2022 tók Karl við konungdómi. Líkt og móðir hans hélt hann skírnarnafni sínu þegar hann tók við krúnunni og gengur því undir nafninu Karl 3. konungur.
Þann 29. júlí 1981 giftist Karl fyrri konunni sinni, Díönu Spencer í Dómkirkju Heilags Páls í Lundúnum. Synir þeirra eru Vilhjálmur og Harrý.
Karl og Camilla Parker-Bowles giftu sig árið 2005.
Sítrónukjúklingur er unaðslega góður. Þessa uppskrift má rekja til Ítalíu. Ef ég man rétt voru í henni kjúklingabringur en þar sem lærin eru fitumeiri og mýkri nota ég þau alltaf.
Matarklúbburinn Flottræfilsfélagið heldur glæsiveislu. Á Gestgjafaárum mínum fannst mér skemmtilegast að fara í matarboð og skrifa um þau. Eitt af eftirminnilegri matarboðum var hjá nýlega stofnuðum strákamatarklúbbi sem kallaði sig Flottræfilsfélagið, gáskafullir ungir menn sem létu greinilega allt flakka þegar þeir hittust. Auk þess að hittast til skiptis hver hjá öðrum fara þeir stundum út að borða saman og smakka vín og annað skemmtilegt. Orri Huginn er leiðtogi hópsins þegar kemur að því að finna uppskriftir og prófa. Hann tók vel í að kalla piltana saman og halda enn eitt glæsimatarboðið og Bragi tók myndirnar.
