Aukagestur/gestir í boð, er það í lagi?
Það kemur stundum upp spurningin hvort það sé í lagi að taka með sér aukagest í boð. Svarið er einfalt: almennt séð – nei.
Þegar okkur er boðið í matarboð, afmæli eða veislu er það gestgjafinn sem ákveður hverjum er boðið. Það á við hvort sem um er að ræða setið borð, standandi boð eða jafnvel óformlegt kaffiboð.
Það getur verið freistandi að „kippa með sér einum í viðbót“, sérstaklega ef um góðan vin eða vinkonu er að ræða. En við skulum setja okkur í spor gestgjafans: búið er að leggja á borð, undirbúa mat og skipuleggja kvöldið með ákveðinn fjölda í huga.
Óvæntur aukagestur getur því auðveldlega sett gestgjafann í óþægilega stöðu.
Ef við teljum að það gæti verið viðeigandi að taka einhvern með – þá er eina rétta leiðin að spyrja með góðum fyrirvara. Ekki á síðustu stundu, og alls ekki þegar allt er tilbúið.
Góðir borðsiðir snúast nefnilega ekki bara um hnífapör og servíettur – heldur um tillitssemi.
.
— BORÐSIÐAFÆRSLUR — KAFFI — FASBÓK —
.