Auglýsing
spergilkál brokkoli epli salat sallat salad pekanhnetur grísk jógúrt rauðlaukur meðlæti hollt salat hollusta Spergilkáls- og eplasalat
Spergilkáls- og eplasalat – uppáhalds salat hér á bæ sem við ýmist borðum sem sér rétt eða sem meðlæti. Alveg meinhollt

Spergilkáls- og eplasalat

Mikið uppáhalds salat hér á bæ sem við ýmist borðum sem sér rétt eða sem meðlæti. Eins og margoft hefur komið fram er æskilegt að borða meira af grænmeti – heldur meira í dag en í gær. Þetta er hollt, alveg meinhollt. Spergilkál er trefjaríkt inniheldur fáar hitaeiningar og er ríkt af vítamínum og steinefnum.

— SPERGILKÁL — EPLI — SALÖTMEÐLÆTI

.

Spergilkáls- og eplasalat

Spergilkáls- og eplasalat

3-4 b ferskt spergilkál skorið í bita
1/2 b rifnar gulrætur
1/4 b saxaður rauðlaukur
1 stórt epli, skorin í bita
1/2 b pekanhnetur, saxaðar gróft

Dressing:

1/2 b mæjónes
1/2 b grísk jógúrt
1 msk sítrónusafi
1 tsk hunang
1/4 tsk salt
pipar

Setjið spergilkál, gulrætur, lauk, epli og hnetur í skál. Blandið saman mæjónesi, jógúrt, sítrónusafa, hunangi, salti og pipar. Blandið öllu saman og látið standa í 3-4 klst áður en er borið fram.

 

Aðeins um gulrætur af íslenskt.is:

Í gulrótum er mikið af litarefniu karóten og því stærri og litsterkari sem ræturnar eru, þeim mun meira karóten er í þeim. Karóten ummyndast yfir í A-vítamín í líkamanum, sem meðal annars er mikilvægt fyrir sjónina, húðina og slímhimnur líkamans. Auk þess er í gulrótum B- og C-vítamín ásamt mikilvægum steinefnum eins og kalí, kalki, járni og fosfór.
Gulrætur eru góð uppspretta fyrir þessi næringarefni því þær eru ódýrar og hægt að hafa þær á borðum daglega allt árið.

— SPERGILKÁL — EPLI — SALÖTMEÐLÆTI

.

Auglýsing

SKILDU EFTIR ATHUGASEMD

Settu inn athugasemd
Settu nafn þitt hér

This site uses Akismet to reduce spam. Learn how your comment data is processed.