Sveitasetrið Brú í Grímsnesi
Norðfirðingurinn Hákon Hildibrand kallar ekki allt ömmu sína. Eftir að hafa lyft grettistaki í hótel- og veitingamálum í Neskaupstað flutti hann sig um set og rífur nú upp Sveitasetrið Brú í Grímsnesinu. Notalegheit, nýtni og húmor með kitsch ívafi eru meginþemað.
— HÁKON HILDIBRAND — GRÍMSNESIÐ — VEITINGASTAÐIR — NESKAUPSTAÐUR —
.
Staðsetningin er einstök, skammt frá Ljósafossvirkjun, mikil náttúrufegurð og há tré allt um kring svo að dvölin er svolítið eins og ferð til útlanda. Á móti okkur tók reyndar rjómablíða svo að það jók á upplifunina.
Boðið er upp á hlaðborð á kvöldin, sem er nokkuð breytilegt. Úrvalið var mikið, allt frá bauna- eða kúskúsrétti, kimchi, sýrðum salötum til lambalæris og löngu sem bragðaðist eins og humar, svo vel var hún elduð. Maturinn var mjög lystugur og sveppasúpan sennilega sú besta sem ég hef smakkað.
— HÁKON HILDIBRAND — GRÍMSNESIÐ — VEITINGASTAÐIR — NESKAUPSTAÐUR —
.
