Trufflunautasteik Kristínar Stefáns

Trufflunautasteik Kristínar Stefáns

Kristín Stefánsdóttir er annálaður matgæðingur og veisluhaldari. Eftir ferð til Króatíu, þar sem hún kynntist leit að trufflusveppum með sérþjálfuðum hundum, kviknaði áhugi hennar á að flytja inn hágæða trufflur og truffluolíu. Úr varð þessi glæsilega veislumáltíð þar sem meyr nautalund, humar, sveppir og ilmandi trufflur njóta sín til fulls. Rétturinn er hátíðlegur, bragðmikill og tilvalinn þegar gesti ber að garði.

— TRUFFLUSVEPPIR — NAUTASTEIK — GARÐABÆR —

.

Nautalund með humri og trufflum

1 nautalund
3 pakkar sveppir
300–500 g humar
3 hvítlauksgeirar
safi úr ½ sítrónu
½ dl hvítvín
trufflur
truffluolía
salt og pipar
hvítlaukssalt

Hreinsið nautalundina og skerið í hæfilega stóra bita.
Kryddið með salti, pipar og hvítlaukssalti.
Hitið pönnu vel og brúnið kjötið á öllum hliðum svo það lokist vel.
Látið kjötið hvíla í 20–30 mínútur.
Steikið hvítlauk á sömu pönnu og bætið sveppunum út á. Kryddið með salti og pipar.
Steikið humarinn stuttlega á heitri pönnu með hvítlauk. Hellið hvítvíni og sítrónusafa yfir.
Skerið kjötið í um 1 cm þykkar sneiðar og snöggsteikið aftur til að fá fallega áferð.
Raðið nautakjöti, humri og sveppum á diska.
Skerið trufflur yfir réttinn og dreypið truffluolíu yfir áður en borið er fram.

Þessi nautalund með humri er einstaklega glæsilegur veisluréttur með nautakjöti þar sem meyr nautasteik með trufflum, humri og sveppum sameinast í ógleymanlegri bragðupplifun.

Bombu eftirréttur

Púðursykurmarengs
Bananar
Nóakropp
Jarðarber
Bláber
Þeyttur rjómi + vanillusykur.

Blandið rjóma, bönunum og marengs saman um morgun eða daginn áður, látið bíða í ísskáp, verður eins og ís.
Rétt áður en borið fram eru ávexti settir yfir og svo karmellusíróp og smá kaffi líkjör 🙂

— TRUFFLUSVEPPIR —

.