Vatnsmelónusalat
Ferskt og litríkt vatnsmelónusalat. Salatið minnir okkur á hlýja sumardaga og hentar sérlega vel á hlýjum sumardögum. Sætleikinn úr safaríkri vatnsmelónunni, saltbragð ólífanna og fetaostsins og svo toppar mintan með sínum ilmandi ferskleika.
Björk Jónsdóttir töfraði fram þetta undurgóða salat og Tzatziki sósuna fyrir sumarblað Húsfreyjunnar.
— VATNSMELÓNUR — SALÖT — GRIKKLAND — BJÖRK JÓNSD — MINTA —
.
Vatnsmelónusalat
1 vatnsmelóna
10 – 12 steinlausar svartar ólífur
1 ½ dl Fetaostur í teningum
Lúkufylli af ferskri mintu
Skerið vatnsmelónuna í fallega teninga
Skerið ólífurnar í sneiðar og saxið myntuna
Blandið öllu saman og stráið myntunni yfir.
Tzatziki sósa
4 dl Grísk jógúrt
½ dl sýrður rjómi
200 g agúrka
2 feit hvítlauksrif
½ -1 matskeið saxað dill (má sleppa)
Smá ólífuolía, salt og pipar
Rífið agúrkuna gróft, kreistið vökvinn frá.
Pressið hvítlaukinn.
Blandið öllu vel saman og smakkið til með salt og pipar.
Smá ólífuolíu dreypt ofan á. Fallegt að skreyta með svörtum ólífum.
— VATNSMELÓNUR — SALÖT — GRIKKLAND — BJÖRK JÓNSD — MINTA —
.
