Á jarðhæðinni á Edition hótelinu í miðborg Reykjavíkur er hinn glæsilegi veitingastaður Tides. Síðustu tvö ár hefur Tides fengið meðmæli frá Michelin (Michelin’s Guide recommendation) og stendur vel undir þeirri heiðursnafnbót. Allir réttirnir voru fallega framsettir og bragðgóðir, já og ólíkir. Það er þægilegt andrúmsloft á Tides og notaleg tónlist. Ekki er úr vegi að skreppa upp á The Roof, barinn á efstu hæð fyrir eða eftir matinn, eða hvort tveggja. Þar er ævintýralegt útsýni.
Mikael, einn af kokkunum kom til okkar í upphafi og mælti með nokkrum réttum sem var vel þegið – við fórum í einu og öllu að hans ráðum og vorum ekki sviknir af. Í framhaldinu kom kokkaneminn Úlfar með flesta réttina á borðið, greinilega á réttri hillu í þessu listræna fagi. Yfirkokkurinn á Tides heitir Alexandre Paiva frá Ítalíu en Ramesh frá Búlgaríu stjórnaði vaktinni þegar við vorum þarna. Þjónninn okkar var hinn portúgalski Bernardo. Allir voru þeir afskaplega þægilegir og upplýstu okkur um réttina sem á boðstólum voru.
Elshúsið á Tides er að hluta til í veitingasalnumLítill lystauki fyrir matinn: Grafinn lax, kapers á þunnri lummu, laxahrogn og radísur. Með þessu var svokallaður Yorkshire pudding, heimatilbúinn, með hrærðu smjöri með kryddjurtum, m.a. timian. Það er enginn búðingur, heldur brauð, svolítið skylt brioche og væri hægt að lifa á því, það er svo gott (því miður gleymdist að mynda það).Humarkrókettur, leturhumar, bláberja-barbecue, yuzu og steiktur laukurGrillað hjartasalat, rauðrófuhummus neðst, þistilhjörtu, jurtir og pistasíudressing1000 daga feyki-salat, endívur, sýrðar perur, valhnetudressing og brioche brauðteningarLambafillet karameliserað seljurótarpurée og balsamic gljáður laukur, bláberjarauðvínssósa, hvítt súkkulaði. Þetta var grillað, svo að fitan var stökk eins og pura.Grillaður humar og ravioli með 3 ostum, sítrónu- og feykisfyllt, humarsósa.Ribeye frá Urugúgvæ, með hunangs og trufflu sætri kartöflu, bláberja-chimichurri sem setti punktinn yfir i-ið.Tres leches (rjómi, condensed milk og G-mjólk) lakkrískaka, kaffimulningur, omnom súkkulaðimulningur, súkkulaði ganache og villt jarðarberBasknesk skyrterta, sultað appelsínu-compott og hvítt súkkulaðiBerja-sorbet með blönduðum berjum, mintulegin jarðarber
Brussel vöfflur. Dags daglega er talað um belgískar vöfflur. Í Brussel í vor komumst við að því að mikill munur er á vöfflum í þeirri frægu vöffluborg eftir því hvar þær eru keyptar og hvernig deigið er. Tvær best þekktu vöfflutegundirnar í Belgíu eru ólíkar. Annars vegar er um að ræða Brussel vöfflur og Liege vöfflur. Liege vöfflurnar eru óreglulegar og oft með perlusykri. Deigið er einnig gjörólíkt. Í Brusselvöflurnar er notað bæði lyftiduft og þurrger. Þá gerir sódavatnið þær stökkar. Kannski ekki verra að taka fram að Liege vöfflurnar eru meira street food og hinar kaffihúsa vöfflur.
