Döðlukonfekt – gott, gott

Döðlukonfekt

Við smökkuðum þetta döðlukonfekt fyrst í veislu og urðum strax hrifin – þetta er svona sem maður fær sér einn bita af… og svo aðeins fleiri. Uppskriftin kom frá Karli Má og hefur síðan orðið fastur liður hjá okkur – einfalt, mjúkt og alveg einstaklega gott með kaffinu.

Döðlur gefa náttúrulega sætu, þannig að auðvelt er að minnka sykurmagnið eða sleppa því alveg. Hér er klassísk útgáfa – en þú getur aðlagað hana að þínum smekk.

Ég hef aðeins einfaldað uppskriftina og lagað hana að nútímanum – en hún er enn alveg jafn góð.

— Konfekt — Döðlugott —

.

Döðlukonfekt

500 g smjör
50 g púðursykur (má minnka eða sleppa)
2/3 tsk salt
700 g döðlur
6 bollar Rice Krispies

Ofan á:
400 g dökkt súkkulaði

Bræðið smjör og púðursykur saman við vægan hita.
Saxið eða klippið döðlurnar í skál.
Hellið smjörblöndunni yfir og blandið vel.
Hrærið Rice Krispies varlega saman við.
Setjið bökunarpappír í form og þrýstið blöndunni jafnt niður.
Bræðið súkkulaðið og dreifið yfir.
Kælið vel og skerið í litla bita.

Prófaðu að skipta hluta af smjörinu út fyrir kókosolíu fyrir léttari áferð – eða bæta við hnetum fyrir meiri fyllingu.

Það er eiginlega hættulegt að eiga þetta í ísskápnum – maður ætlar sér einn bita… og svo einn í viðbót… og svo kannski bara einn enn.

Þú gætir líka haft gaman af:

Heimagert konfekt með súkkulaði – Einfaldar og góðar uppskriftir sem slá alltaf í gegn.

Súkkulaðikúlur með hnetum og döðlum – Mjúkt og sætt – svona sem maður fær sér „bara einn“ af.

Smákökur sem passa með kaffinu – Uppáhalds uppskriftirnar mínar þegar gesti ber að garði.

Döðlukaka með karamellusósu – Klassískt kaffimeðlæti sem klikkar aldrei.