Hjónabandssæla

Klassísk íslensk hjónabandssæla með rabarbarasultu – mjúk og einföld uppskrift

4
Hjónabandssæla
Auglýsing
Hjónabandssæla, rabarbarasulta, haframjöl, AUSTURRÍKI AUSTURRÍSKT TERTA fljótlegt kaffimeðlæti sulta góð besta
Mjúk og ilmandi hjónabandssæla með rabarbarasultu – fullkomin með kaffinu

Mjúk og góð hjónabandssæla er góð með kaffinu

Mjúk og góð hjónabandssæla er klassískt kaffimeðlæti sem slær alltaf í gegn. Það tekur stutta stund að útbúa hjónabandssælu og mér finnst hún best með rabarbarasultu.

Af hverju verður hjónabandssæla stundum seig?
Stundum verða hjónabandssælur aðeins of seigar – yfirleitt vegna þess að þær eru bakaðar of lengi – en sumum finnst það einmitt best. Þessi uppskrift gefur hins vegar mjúka og safaríka köku sem bráðnar í munni.

Auglýsing

Talið er að austurríska kakan Linzertorte hafi haft áhrif á hjónabandssæluna eins og við þekkjum hana í dag – einföld, heimilisleg og einstaklega góð með kaffinu.

— HJÓNABANDSSÆLUR — HAFRAMJÖL — RABARBARASULTA — AUSTURRÍKI — KLEINUR — FLATBRAUÐ — RÚGBRAUÐ —

.

Hjónabandssæla

2 egg
1 bolli (heil)hveiti
2/3 bolli sykur
2 bollar gróft haframjöl
200 g lint smjör
3 msk góð olía
1/2 tsk salt
1/2 tsk lyftiduft
1/2 tsk matarsódi
rabarbarasulta

Blandið öllum hráefnum saman í skál og hrærið vel.

Setjið mestallt deigið í bökunarpappírsklædda ofnskúffu (geymið smá til hliðar). Smyrjið rabarbarasultu yfir.

Bætið smá haframjöli út í afgangsdeigið, myljið það yfir kökuna og dreifið jafnt.

Bakið við 200°C í um 20 mínútur, eða þar til kakan er fallega gyllt.

Gott er að bera hjónabandssæluna fram volga með þeyttum rjóma eða einfaldlega með góðum kaffibolla.

Hjónabandssæla góð fljótleg einföld
Hjónabandssæla – ein sú besta

Fleiri hugmyndir?

Besta kladdkaka – Ef þig langar í eitthvað súkkulaðikennt með kaffinu er kladdkaka alltaf öruggur kostur – mjúk, rík og einföld í bakstri.

Gamaldags eplakaka – Klassísk eplakaka er líka frábær með kaffinu, sérstaklega þegar hún er borin fram volg með þeyttum rjóma.

Vöfflur – Nýbakaðar vöfflur með sultu og rjóma eru annað klassískt kaffimeðlæti sem klikkar aldrei.

Snúðakakan góða – Ilmandi snúðakaka er svo alltaf vinsæl – nýbökuð slær hún í gegn.

Fyrri færslaPönnukökur – þjóðlegar með góðum kaffisopa
Næsta færslaSumarsalat

4 athugasemdir

  1. Sæll Albert.
    Hvaða bolla mál notar þú, 2,5 dl.?
    Er að baka hjónabandssæluna eftir uppskrift frá þér.
    Kveðja frá Gautaborg.

  2. Sæll Albert. Sendi þér uppskrift af hjónabandssælu sem ég baka og er uppskriftin frá móðurminni. Uppskriftin er 4föld.
    4 bollar haframjöl
    2 bollar hveiti
    2 bollar púðursykur
    2 tsk matarsódi
    2 tsk lyftiduft
    350-400 gr smjör
    sulta.
    Nota amerísk bollamál. Þessi uppskrift er frábær og tel ég að púðursykurinn sé ástæðan.
    Kveðja Rúrý Hveragerði.

  3. hæ…þetta er líka eins og ég geri þessa…nema einn af sykri og einn af púðursykri en hægt að gera bæði 🙂 eftir því hvað maður á til …kveðja Gréta Frissa

  4. Sæll Albert, ég hef nokkrum sinnum bakað hjónabandssæluna sem er mjög góð, en ef farið er eftir því að setja allt í skál og hræra þá þarf smjörið að vera mjög lint, á nokkuð að bræða það? Ég er farin að nota aðferðina að hræra saman smjör og sykur svo eggin í, hræra, set svo þurrefnin og olíuna, hræri lítið. Þetta gengur betur. (Gamla aðferðin)
    Langaði bara að láta þig vita, þessi er mjög vinsæl hér á söngstundum.
    Kveðja Ingunn

Comments are closed.