Spaghetti a la Demetz
Í mörg ár skrifaði ég fyrir Gestgjafann – mér til mikillar ánægju. Eitt eftirminnilegasta viðtalið var við söngvarann Sigurð Demetz Franzson sem þá var kominn á níræðisaldur. Uppskriftin sem ég kalla Spaghetti a la Demetz – eða réttara sagt Spaghetti alla Demetz er ein af mínum uppáhalds spaghetti uppskriftum.
Demetz fæddist í Suður-Týról árið 1912 og hafði sterkar skoðanir á matargerð. Þegar ég spurði hann um leyndarmálið við gott pasta svaraði hann einfaldlega:
„Munið að sjóða spaghettí í 7 mínútur – ekki meira og ekki minna.“
Þegar hann flutti til Íslands árið 1955 var pasta nánast óþekkt hér á landi. Hann lét því senda sér spaghetti, tómata og fleiri hráefni frá Ítalíu – og var þannig meðal þeirra fyrstu til að kynna Íslendingum ítalskan mat.
🇮🇹
— SPAGHETTI — PASTARÉTTIR — ÍTALÍA — KÚRBÍTUR — GESTGJAFINN — AUSTURRÍKI —
🇮🇹
Þetta er stór og einstaklega bragðmikil pastasósa – tilvalin þegar elda á fyrir marga eða eiga góðan skammt í frystinum.
Spaghetti alla Demetz
1/4 l ólífuolía
1/2 eggaldin
1/2 kúrbítur
2 laukar
250 g sveppir
1 græn paprika
1/2 blaðlaukur
1/2 kg tómatar afhýddir og kjarninn tekinn úr
2 dósir tómatar saxaðir
1 dós Cirio tómatsósa
1 dós Cirio tómatpurée
10-15 blöð ferskt saxað basil
2-3 greinar ferskt rósmarín
5-7 Honig súputeningar nauta (eða aðrir góðir nautateningar)
chili pipar
salt og pipar
1 kg spaghetti
Hitið olíuna í stórum potti.
Rífið eggaldin og kúrbít niður á rifjárni og skerið annað (lauk, sveppi, papriku, blaðlauk) frekar smátt og steikið í olíunni.
Bætið við tómötum, tómatsósu, tómatmauki, kryddi og súputeningum.
Látið sjóða við vægan hita í 2-3 klukkustundir og hrærið í reglulega.
Sjóðið spaghetti samkvæmt leiðbeiningum á pakkanum. Hellið á sigti og látið renna kalt vatn á í örstutta stund. Setjið í skál.
Setjið spaghetti á djúpan disk, sósu yfir og loks rifinn parmigiano yfir.
Berið fram með nýrifnum parmesan og góðu brauði.
🇮🇹
Fleira gott á síðunni:
Grænmetislasagna – Ef þú ert í ítölsku stuði mæli ég líka með þessari grænmetislasagna sem er bæði bragðmikil og saðsöm.
Linsubaunapottréttur með sætri kartöflu – Hér er svo bragðmikill prótínríkur réttur – hollur og einstaklega góður.
Boðorðin fimm í ítalskri matargerð – Ekki missa af gullnum reglum í ítalska eldhúsinu sem gera matargerðina bæði betri og skemmtilegri.
🇮🇹
Takk fyrir allar þínar góðu uppskriftir, nú er erfitt að fá Hoing súputeninga, hvað notar þú í staðin, á aðra góða mjög góða uppskrift frá Demetz, sem ég fékk í Gestgjafanum, en mér finnst hún ekki eins góð þegar vantar Honig teninganna, hvað er til ráða
Þetta er svolítið stór uppskrift. Veistu fyrir ca hversu marga þetta er? Er í alvöru notað 1/4 líter af ólífuolíu? ?
Comments are closed.