Fiskmarkaðurinn
Fiskmarkaðurinn er smart staður, gamli panellinn og bambus kallast á og ljósakrónurnar eru töff.
Þjónustan er einnig sérlega létt, lipur og þægileg. Lilja sá vel um okkur, hvorki of né van og vissi allt sem okkur langaði að vita.
Framreiðslan er áberandi smekkleg og hlýtur að vera með þeim flottustu á landinu, eins og sjá má af myndunum, en kokkurinn, hann Nick er íslenskur þrátt fyrir nafnið, en fæddur á Filippseyjum. Maturinn er listaverk, þannig að hann má kallast listakokkur með rentu.
Fiskmarkaðurinn er nútímalegur íslenskur veitingastaður með asísku ívafi
— FISKMARKAÐURINN — VEITINGASTAÐIR — ÍSLAND — ÞÓRHILDUR HELGA —
.
Á næsta platta var fiskmeti, maki, nigiri og sashimi. Með þessu fengum við belgbaunir, s.k. Edamame Sweet Spicy (sósumix). Þegar fiskmetið var komið ofan í maga,, lögðumst við á beit með baunirnar, hrikalega gott sesam bragð). Einnig fengum við kóngarækjur með melónukúlum.1. Maki rúllur: eldfjallahumarmaki, humartartar með 7 spice krydd og chili, borið fram á laxa- og gúrku maki-rúllu. 2. Nigiri: með hrísgrjónum feitur lax, gullsporði, smálúða sett í rauðrófusalat, teriyaki lax, bleikja, túnfiskur 3. Sashimi: fiskur á klaka, án hrísgrjóna, smálúða, gullsporði, besti bitinn af laxi, túnfiski, bleikju og lúðu, skorið í fullkomna sashimi bita.
— FISKMARKAÐURINN — VEITINGASTAÐIR — ÍSLAND — ÞÓRHILDUR HELGA —
.
