Salat að hætti Júlla Júll

salat Salat að hætti Júlla Júll júlíus júlíusson dalvík júlli júll gréta ástríðualdin passion
Salat að hætti Júlla Júll

Salat að hætti Júlla Júll

Dalvíkurkonungurinn Júlíus Júlíusson er snilldarkokkur. Júlli lætur verkin tala – það malast undan honum verkefnin og helst ætti að vera til Júlli í öllum bæjum á Íslandi. Júlli og Gréta buðu í mat á dögunum í afar gott og fallegt salat – og að eins og oft áður var beðið um uppskrift:

„Hér koma hráefni í salatið…ég geri þetta stundum og þá vel ég oftast það ferskasta sem ég næ í þannig að þetta er ekki alltaf eins…og magnið af hverju er bara eftir því hvernig veðrið er og hvað hjartað segir.“

DALVÍKHEILSU…JÚLLI JÚLLSALÖT

.

Salat að hætti Júlla Júll

Salat að hætti Júlla Júll

Spínat, íssalat, rauðlaukur/salatlaukur, Bóndabrie, melónukúlur, bláber, tómatar (gaman þegar það eru til litlir t.d gulir og setja þá heila í), beikon steikt, þerrað og kælt, lífrænar kókosflögur, alfa baunaspíur, mulberries, passion aldin, smá radísur, fetaostur og smá af olíunni, salt og pipar (gleymdi saltinu þegar þið komuð…það munar um það til að kalla fram bragð )
Ristaðar kashewhnetur og graskersfræ, ristað á pönnu og smá Tamarin sósu hellt yfir, hrist og látið þorna og kólna, paprikur 2 litir (mér finnst skemmtilegt að hafa litlar baby eða roman svo að það sé hægt að skera þær í litla hringi svona upp á lögunina (allt fyrir lookið) Síðan er það humarinn (líka hægt að nota Surimi krabbakjöt bita/Chunkies ) Skelfletti hann, þerra, sker í bita, steki hann með hvítlauk í smjöri og set hann yfir á elhúspapír og ríf parmesan ost yfir læt hann kólna (gott að setja hann í ísskáp um stund þá verða bitar þéttsari og losna ekkert í sundur)…yfir set ég engiferolíu, balsamikedik, og í þetta skipti var ég með hentuolíu líka og smá af Agaves sírópi.

Júlíus Júlíusson

.

DALVÍKHEILSU…JÚLLI JÚLLSALÖT

— JÚLLASALAT —

.

Auglýsing

Meira úr sama flokki

Vöfflur – klassísk uppskrift úr bókinni Við matreiðum

Vöfflur. Fátt er dásamlegra en ilmur af nýbökuðum vöfflum. Það er einhver óútskýrð hlýja sem fylgir þeim. Hér er uppskrif úr hinni ágætu bók Við matreiðum, bók sem ég eignaðist fyrir 35 árum og fletti reglulega upp í. Við matreiðum er hin fínasta bók, hún kom fyrst út árið 1976 og nýlega kom sjötta útgáfan út.

Peruterta, þessi gamla góða

20160830_152036

Peruterta. Í minningunni voru perutertur í öllum barnaafmælum og flestum fermingarveislum í mínu ungdæmi. Botnarnar voru mjúkir og gegnblautir. Þegar ég sá á fasbókinni að Borghildur Jóna var að baka eina slíka fyrir afmæli sonar síns, fékk ég fortíðarþráhyggjukast og bað hana um mynd og uppskrift. Ég bara stóðst ekki mátið.

Hjónabandssæla

Hjónabandssæla

Mjúk og góð hjónabandssæla er góð með kaffinu. Stundum verða hjónabandssælur seigar, kannski vegna þess að þær eru bakaðar of lengi. En eflaust líkar einhverjum að hafa þær seigar.

Fyrri færsla
Næsta færsla