Auglýsing
Blómkál, gratinerað, meðlæti, auðvelt, fljótlegt, Kjartan Örn steindórsson SÓLRÚN BJÖRNSDÓTTIR elísa jóhannsdóttir SÓLRÚN OG STEINDÓR HEIÐI
Gratinerað blómkál

Gratinerað blómkál. Blómkál er herramannsmatur, það er fitusnautt og meinhollt. það inniheldur heil ósköp af vítamínum, en þó aðallega C vítamín. Munið bara að tyggja vel ef þið borðið blómkálið hrátt. Bæði hef ég borðað gratinerað blómkál sem sér rétt og svo var það meðlæti með margrómuðu grilluðu lambalæri Kjartans á dögunum. Uppskriftin kemur frá Sólrúnu, móður Kjartans (ekki bara uppskriftin, hún eldaði réttinn).

SÓLRÚN — KJARTAN ÖRNBLÓMKÁL

Gratinerað blómkál

Eitt vænt blómkálshöfuð

Uppbakaður jafningur:
100 g smjör
hveiti til að þykkja
grænmetisteningur
soð af blómkálinu
salt, pipar,
1/2- 1 tsk múskat
mjólk (ég nota ekki mikla mjólk)
1 b feitur ostur – rifinn.
Sjóðið blómkálið í saltvatni í ca 15. mín, takið uppúr soðinu og setjið í eldfast form.
Bræðið smjör í potti, bætið út í hveiti og hrærið vel saman. Setjið út í soð og mjólk, krydd og að lokum helmningnum af rifna ostinum.
Hellið jafningnum yfir blómkálið og stráið restinni af rifina ostinum yfir.  Bakið i 175° heitum ofni þar til það lítur vel út 🙂
Blómkálið gratineraða var borið fram með margrómuðu lambalæri Kjartans.
Gratinerað blómkál
Auglýsing