Spínatlasagna
Spínat er bæði ríkt af andoxunarefnum og næringarefnum. Í hugum margra tengist múskat helst bakstri, en hann á líka vel heima í söltum réttum og gefur þeim hlýjan og djúpan keim.
Sjálfur er ég afar hrifinn af hvítlauk og nota gjarnan meira af honum en margar uppskriftir gera ráð fyrir – þið metið sjálf hversu mikið ykkur þykir hæfilegt. Til tilbreytingar má einnig afhýða sæta kartöflu, skera hana í þunnar sneiðar og leggja á milli laga í lasagnunni.
Rétturinn nýtur sín sérstaklega vel ef sett er smá hvítlauks- eða chiliolía yfir rétt áður en hann er borinn fram.
— SPÍNAT — GRÆNMETISLASAGNA — VEGAN — LASAGNA —
.
Spínatlasagna
1 bolli góð matarolía
1 stór laukur
4–5 hvítlauksgeirar
10 meðalstórar kartöflur
600 g frosið spínat
1½ msk kúmín
1 tsk múskat
1 tsk kóríander
salt og pipar, eftir smekk
örlítið chili
lasagnaplötur
rifinn ostur
(eða kókosmjöl fyrir þá sem vilja hafa réttinn alveg vegan)
Sjóðið kartöflurnar þar til þær eru mjúkar. Hellið vatninu af, en kælið þær ekki.
Saxið laukinn og steikið hann mjúkan í olíunni ásamt pressuðum eða söxuðum hvítlauk.
Bætið frosna spínatinu út á pönnuna og látið það þiðna alveg, þannig að það losni í sundur.
Grófmerjið kartöflurnar og setjið saman við spínatblönduna.
Kryddið með kúmíni, múskati, kóríander, salti, pipar og örlitlu chili og blandið öllu vel saman.
Raðið blöndunni í eldfast mót, með lasagnaplötum á milli laga.
Dreifið rifnum osti eða kókosmjöli yfir efst.
Bakið í um 40 mínútur við miðlungs hita, um 150°C, þar til lasagnaið er orðin fallega gyllt og gegnheit.
.
— SPÍNAT — GRÆNMETISLASAGNA — VEGAN — LASAGNA —
.
Ég ætla að pottþétt að prófa þennan rétt…. enda elska ég spínat.
Var að prófa þetta – alveg himneskt 🙂 Takk fyrir uppskriftina.
Hó algerlega meiriháttar, sá Guðrúnar Bergmann showið og varð að prufa.
á þetta að vera heill bolli olía???
jamm, stundum set ég aðeins meira 🙂
Comments are closed.