Bananabrauð með sunnudagskaffinu

Bananabrauð með sunnudagskaffinu Gunnars í Sjólyst Gunnar Þorsteinn Halldórsson Sjólyst Fáskrúðsfjörður
Bananabrauð

Bananabrauð með sunnudagskaffinu

Mig langaði í eitthvað með sunnudagskaffinu, en ekki hefðbundna sæta köku. Hóf tilraunina með því að mauka þreytta banana. Síðan setti ég olíu og mjólk út í. Þar með var kominn blautur grunnur og þá tók við hitt og þetta sem ég fann í skápunum og áleit að frumurnar myndu kætast við.

Þegar brauðið var tilbúin örkuðum við félagar til Gunnars Þorsteins vinar okkar (Gunnars í Sjólyst) og buðum honum í kaffi (við minntum svolítið á skvísurnar í Aðþrengdum eiginkonum sem færa hver annarri bökur við ýmis tækifæri).  Gunnar er önnum kafinn gistihúsaeigandi og þáði kærkomna kaffipásu.

BANANABRAUÐBANANARSJÓLYST

Bananabrauð

2 þroskaðir, maukaðir bananar

1/2 tsk salt

3 msk haframjólk

1 msk ólífuolía

1/2 b döðlur

1/2 b haframjöl

1/2 b kókos

1/2 b valhnetur

1 msk vanilla

2 msk hnetusmjör

2 msk goji ber

Skraut: ristaðar furuhnetur

Hitið ofn í 200°C. Maukið banana og þeytið þá í hrærivél ásamt salti, mjólk og olíu. Klippið döðlur smátt út í, blandið öllu öðru saman við og setjið í ferhyrnt form (t.d. 15×25 sm) með bökunarpappír. Bakið í 30 mín., takið úr ofninum og þjappið ristuðum furuhnetum ofan á. Bakið áfram í 15 mín., eða þar til gumsið er orðið þétt. Kaffi? Já, eða sítrónumelissu- og lindiblómate, sem sýrir ekki líkamann eins og kaffið.

Bananabrauð
Albert, Gunnar Þorsteinn og Bergþór
Auglýsing

Meira úr sama flokki

13 matartegundir sem gleðja verulega

13 matartegundir sem gleðja verulega. Hver kannast ekki við að súkkulaði og jarðarber geri okkur ánægð? Veit nú ekki hvort þetta er vísindaleg úttekt á þrettán matartegundum sem gera okkur glaðari. Er ekki best að hver dæmi fyrir sig.

Sítrónukjúklingur

Sitronukjuklingur

Sítrónukjúklingur er unaðslega góður. Þessa uppskrift má rekja til Ítalíu. Ef ég man rétt voru í henni kjúklingabringur en þar sem lærin eru fitumeiri og mýkri nota ég þau alltaf.