Hummús
Fátt er betra ofan á (pítu)brauð og kex en hummus, sérstaklega fyrir þá sem elska hvítlauk. Oftar en ekki nota ég mun meira af hvítlauk en stendur í uppskriftinni. Ágætt er að hafa í huga að hummmús geymist ekkert sérstaklega vel, því er betra að útbúa minna magn í einu. Til að auka fjölbreytinina má útbúa hummus t.d. með sætum kartöflum, gulrótum, sólþurrkuðum tómötum, engifer og sítrónu, basil, karrý og grasker, avokadó, spínat, zucchini…. Það er meira að segja til hummmus blogg síða.
.
— HUMMÚS —
.
Hummus
1 ds. soðnar kjúklingabaunir
2 msk tahini
2 hvítlauksrif
1/2 tsk salt
pipar
chili
safi úr 1 1/2 sítrónu
1 dl góð olía
Hellið mesta safanum af kjúklingabaununum og setjið þær í matvinnsluvél ásamt tahini, hvítlauk, salti, pipar, chili, sítrónusafa og matarolíu. Maukið vel. Notið safa af baununum til að þynna, ef þarf.
Svo er mjög gott að setja rauðlauk og vel af steinselju í hummúsina.
.
— HUMMÚS —
.
