Sítruskaka Diddúar
Söngdrottningin Diddú bauð í sunnudagskaffi. Við hjóluðum á óðal þeirra hjóna í Mosfellsdalnum. Diddú hefur, að því er virðist, lítið fyrir matseldinni en galdrar fram veislurétti eins og ekkert sé. Þessi sítruskaka er næstum því óbærilega góð og ég hvet ykkur til að baka hana við fyrsta tækifæri – og ef það er ekkert tækifæri þá búið þið til tækifæri. Polenta er kornmjöl, unnið úr maís.
— DIDDÚ — EFTIRRÉTTIR — TERTUR — POLENTA —
.
Sítruskaka Diddúar
225 g smjör
200 g sykur
3 egg
125 g möndlumjöl
125 g polenta
1 tsk lyftiduft
safi úr tveimur sítrónum
börkur af einni sítrónu
safi úr tveimur appelsínum (er líka gott að nota appelsínuþykkni óblandað, fæst frosið, í stað kreists safa úr appelsínum
100 g valhnetur
Jarðarber og súkkulaði til skrauts
Þeytið smjör og sykur mjög vel. Bætið út í einu og einu eggi í einu, þá þurrefnunum og loks appelsínu- og sítrónusafanum ásamt berkinum og valhnetunum og hrærið smá stund. Bakið í tertuformi í um 45 mín við 170°
.
— DIDDÚ — EFTIRRÉTTIR — TERTUR — POLENTA —
.
Rakst á þessa síðu og er virkilega fegin, því þetta er frábær síða! Bookmarked;)
Góðan dag, mig langar svo til að baka Sítrúskökuna hennar Diddúar en ég finn hvergi þetta Polenta mjöl sem hún notar í kökuna. Hefurðu hugmynd um hvar er hægt að kaupa þetta.
Kveðja, Helga
Polenta fæst í Fjarðarkaupum, Hagkaup og heilsubúðum
Comments are closed.