Hafrakökur úr Hvíta húsinu. Þessi uppskrift ku vera komin frá Michelle Obama. Forsetafrúin er áhugasöm um hollt og gott mataræði, ekki bara í Hvítahúsinu hún hefur talað fyrir því að Bandaríkjamenn borði betri mat. Sagt er að kokkarnir í Hvíta húsinu hafi bakað harfakökurnar eftir að Michelle sagði þeim hvað hún vildi hafa í þeim. Þessar hafrakökur gefur hún dætrum þeirra hjóna og etv maula forsetahjónin á þeim á meðan þau horfa á sjónvarpið uppi í rúmi á kvöldin….
Hafrakökur úr Hvíta húsinu
2 bollar gróft haframjöl
1 dl gróft spelt
1 tsk vínsteinslyftiduft
3/4 b fræ
1 b. þurrkaðir ávextir
1 dl kókosmjöl
1 1/2 tsk kanill
1 1/2 dl kókosolía
1 dl góð matarolía
1/2 dl gott hunang
1/2 tsk salt
Blandið öllu saman, fletjið út á plötu með smjörpappír undir. Bakið í 8-10 mín við 170° Skerið kökurnar um leið og þær koma úr ofninu, en látið kólna á plötunni áður en þær eru teknar af henni. Ég var svo óþolinmóður að ég setti plötuna í ísskápinn….
