Rauðrófuhummús. Hráar rauðrófur eru enn hollari en soðnar rauðrófur. Stundum tökum við okkur til og kreystum safa úr ferskum rauðrófum og drekkum. Hratið má vel nota í grænmetisbuff og fleiri rétti.
Rauðrófuhummús
2 meðalstórar rauðrófur
1 msk cumín
2-3 hvítlauksrif
1 dl valhnetur
1 væn msk tahini
ca 1 dl góð olía
safi úr einni sítrónu
1-2 tsk gott hunang
1 msk eplaedik
1/2 -1 tsk salt
cayenne pipar
svartur pipar
Flysjið rauðrófurnar og skerið þær í bita. Látið í matvinnsluvél ásamt cumíni, hvítlauk, valhnetur, tahini, olíu, hunangi, sítrónusafa, ediki og kryddi. Maukið dágóða stund.
