Marokkóskur lambapottréttur
Þegar maður sér uppskriftir þar sem hráefnin eru tuttugu og sex þá flettir maður nú oftast yfir á næstu síðu eða hugsar ekkert meira um þetta. Myndin sem fylgdi uppskriftinni var svo girnileg að ég sló til og sé ekki eftir því, þessi réttur er guðdómlega góður. Í hann notaði ég lambalæri sem beið sallarólegt í fjóra daga í ísskápnum áður en ég skar það niður deginum áður og marineraði eins og fram kemur í lýsingunni.
🇲🇦
— MAROKKÓ — LAMB — POTTRÉTTIR — TAGÍNA —
🇲🇦
Marokkóskur lambapottréttur
2 tsk paprika
1 tsk turmerik
1 tsk kúmín
1 tsk kóríander
1 tsk kanill
1/2 tsk kardimommur
1 tsk salt
1/2 tsk cayenne pipar
smá saffran
1 tsk rifinn sítrónubörkur
1 msk rifinn hvítlaukur
1 msk rifið engifer
2 msk matarolía
500 g lambakjöt í bitum
1 laukur
2 msk tómatpurre
kjötkraftur
1 ½ dl þurrkaðar apríkósur
1 dl rúsínur
1 msk hunang
1 msk chili, saxað
⅓ dl pistasíuhnetur, saxaðar gróft
⅓ dl kóríander, saxað
⅓ dl steinselja
2 dl Grísk jógúrt.
Blandið saman papriku, túrmerik, kúmíni, kóriander, kanil, kardimommum, salti, cayenne, saffrani, sítrónuberki, olíu, hvítlauk og engifer í skál. Blandið vel saman
Skerið niður lambakjötið í munnstóra bita og blandið saman við kryddblönduna. Látið bíða í nokkrar klst við stofuhita eða í ísskáp yfir nótt.
Saxið laukinn og léttsteikið á pönnu, bætið við tómatpuré, kjötkrafti, apríkósum, rúsínum, hunangi, chili, pistasíum, kóríander og grískri jógúrt. Blandið vel saman. Blandið þessu og kjötinu saman og setjið í eldfast form – eða tagínu.
Setjið álpappír eða lok yfir formið og bakið í 3 klst við 150°C eða lengur á lægri hita
Saxið steinseljuna og stráðið yfir. Berið fram með kúskús.
🇲🇦
— TAGÍNA — MAROKKÓ — LAMB — POTTRÉTTIR —
— MAROKKÓSKUR LAMBAPOTTRÉTTUR —
Halp! Er thetta kumen frae eda cummin? takk fyrir frabaerar uppskriftir.
Kkv,
Elisabet
Cummin 🙂
Takk 🙂
Sæll
hvað get ég notað í staðinn fyrir gríska jógúrt? Ætla að elda fyrir einstakling með mjólkurpróteinsofnæmi.
Þú getur notað soya jógúrt eða bara sleppt jógúrtinni
Mmmm ég sauð lambahjörtu í bitum og nota í staðinn fyrir lærið, sjúklega góður og ódýr haust matur 🙂 Takk !
Er þetta mjög sterkur réttur?
Þó kryddin séu mörg þá er hann ekki sterkur, ávextirnir milda líka mikið
Comments are closed.