Sjómannadagstertan

 Sjómannadagstertan

Sjómannadagstertan hefur verið fastur liður á mörgum íslenskum kaffiborðum um árabil. Hún er glæsileg lagskipt terta með döðlu- og súkkulaðibotni, silkimjúku eggjakremi, bönunum, stökkum marengsbotni og súkkulaðihjúp. Þetta er ríkuleg og hátíðleg terta sem hentar vel á Sjómannadaginn, í afmæli, fermingar eða þegar gesti ber að garði.

Það er ekki að ástæðulausu að þessi klassíska terta hefur notið vinsælda í gegnum tíðina. Samspil sætra banana, mjúks eggjakrems og stökks marengs gerir hana bæði fallega og einstaklega góða.

—  MARENGS — NESKAUPSTAÐUR — GÍGJA SÓLVEIG — GUÐNÝ STEINUNN — — HÓLMFRÍÐUR — VILDÍS — SJÓMANNADAGURINN —

.

Sjómannadagstertan 

Botn:

3 egg
½  b sykur
100 g suðusúkkulaði
2 b döðlur
¾ b hveiti
½ tsk salt
1 tsk lyftiduft

Þeytið vel saman egg og sykur. Brytjið súkkulaðið og döðlurnar og látið út í ásamt hveiti, salti og lyftidufti. Bakið í kringlóttu formi við 175° í 30 mín

Eggjakrem:

2 eggjarauður
3 msk sykur
½ lítri þeyttur rjómi

Hrærið vel saman eggjarauðum og sykri. Þeytið rjómann í sér skál. Blandið varlega saman eggjablöndunni og rjómanum og setjið ofan á botninn

Marengsbotn:

4 eggjahvítur
200 g sykur
1 tsk edik
½ tsk salt
½ tsk vanilla

Þeytið vel saman hvíturnar og sykurinn, bætið við ediki, salti og vanillu. Teiknið hring, jafnstóran botninum, á bökunarplötu og dreyfið úr eggjahvítunni. Bakið við 100° í um 75 mín. Ath að bökunartíminn fer alveg eftir ofnum.

Súkkulaðikrem yfir:

150 g gott dökkt súkkulaði
2-3 msk góð matarolía

Bræðið súkkulaði í vatnsbaði ásamt olíunni. Hellið yfir tertuna og látið helst leka aðeins niður hliðarnar á tertunni.

1 dl eplasafi
1-2 bananar

Tertan sett saman:

-Látið botninn á tertudisk. Bleytið  hann með eplasafanum.

-Látið eggjakrem ofan á

-Skerið banana og setjið ofan á eggjakremið

-Leggið marengs þar ofan á

-Hellið súkkulaðikreminu ofan á marengsinn

Skreytið með ferskum berjum eða ávöxtum

.

Fleira áhugavert:

— Fiskbollur – hin klassíska góða uppskrift – Hægeldaðir lambaskankar – Hafragrautur  — Veislur hjá A&B —  Múffur með eplum og haframjöli —  Döðlukonfekt, gott, gott —  Mál og vog – helstu skammstafanir í uppskriftum  —  Svangi Mexíkaninn besti brauðrétturinn –  Kryddbrauð mömmu –