Grafinn urriði
Árdís systir mín veiddi urriða um daginn og gróf. Feitur, mjúkur og bragðgóður fiskurinn rann ljúflega niður. Ef þið eruð ekki með nýveiddan urriða úr Þingvallavatni má notast við lax eða silung.
— SILUNGUR — ÁRDÍS HULDA — FISKRÉTTIR —
.
Grafinn silungur
3-4 kg Þingvalla-urriði, flakaður
4 msk gróft Maldon salt (má vera reykt)
1 stk laukur, fínsaxaður
1/2 msk hvítur pipar
5 msk dill
1 tsk fennel
1 msk sykur
ca 1/2 tsk svörtur pipar
Blandið öllu saman og smyrjið á flökin.
Leggið flökin saman og vefjið þétt með álpappír.
Látið liggja í ísskáp í einn sólarhring og
snúið öðru hvoru. Þurrkið kryddið af og stráið dilli yfir.
Berið fram með ristuðu brauði og sósu
Sósan
3 msk majones
dill
sætt sinnep
1 msk hunang
smá svartur pipar
Öllu hrært saman og smakkað til.
— SILUNGUR — FISKRÉTTIR —
.
