Súkkulaði með karamellumöndlum og sjávarsalti.
.
.
Súkkulaði með karamellumöndlum og sjávarsalti
1,5 dl sykur
15 g smjör
1 msk rjómi
2,5 dl möndlur, heilar
500 g dökkt gott súkkulaði (50-70%)
Gróft sjávarsalt eða fleur de sel
Setjið sykur í pott ásamt 2 msk. af vatni. Sjóðið þar til sykur verður að seigfljótandi vökva og tekur á sig rafgylltan lit. Takið af hita og hrærið smjöri og rjóma saman við. Setjið aftur yfir hita og eldið þar til fallega brúnt. Hrærið möndlunum saman við, hellið síðan úr pottinum á bretti og dreifið úr hnetunum. Bræðið súkkulaðið yfir vatnsbaði. Blandið síðan 3/4 af hnetunum saman við. Hellið ofan í meðalstórt mót klætt álfilmu og dreifið vel úr. Stráið afgangnum af hnetunum yfir og sáldrið sjávarsalti yfir. Kælið þar til súkkulaðið er orðið hart. Brjótið súkkulaðið í bita og geymið á köldum stað.
.
.
