Biscotti Fríðu Bjarkar
Nafnið biscotti er upprunalega úr latínu og þýðir „bakað tvisvar“ en það er einmitt raunin með þessar kökur. Fríða Björk bakar undurgott ítalskt biscotti með anís fyrir hver jól og gefur vinum og vandamönnum. Fátt er betra en gott biscotti til að dýfa í kaffið.
.
— ÍTALÍA — BISCOTTI — LHI — JÓLIN —
.
Biscotti Fríðu Bjarkar
1 1/4 b heilar möndlur
3 1/4 b hveiti
1 tsk lyftiduft
3/4 tsk anís
3 egg
1 b sykur
1/4 b sítrónubörkur
1/3 tsk salt
Setjið möndlurnar í ofnskúffu og bakið í 175° heitum ofni í 8-10 mín. Látið kólna og saxið gróft.
Blandið öllum hráefnunum vel saman. Mótið tvær lengjur (aðeins kúftar) og bakið á bökunarpappírsklæddri ofnplötu um 25 mín við 175° eða þar til þær eru ljós gylltar. Takið úr ofninu og látið kólna í um 10 mín. Skerið í sneiðar, raðið á bökunarpappír og bakið í um 10 mín. snúið þeim þá við og bakið í aðrar 10 mín.
Til tilbreytingar má setja 1 bolla af rúsínum og annan af söxuðum valhnetum. Svo má setja aðra þurrkaða ávexti. Í staðinn fyrir anís má setja fennel eða kóríander.
.
— ÍTALÍA — BISCOTTI — LHI — JÓLIN —
.
