Baka með sítrónusmjöri og marengs

Það er nú sérstaklega gaman að segja frá því að yngsti meðlimur Sætabrauðsdrengjanna á afmæli í dag, Ísfirðingurinn knái Halldór Smárason (já einmitt, þessi með hárið…). Í tilefni afmælisins fékk hann böku með sítrónusmjöri og marengs.

🍋

— MARENGS — BÖKUR — SÍTRÓNUSMJÖR —

🍋

Baka með sítrónusmjöri og marengs

Botn:
1 1/2 b hveiti
1/2 tsk salt
110 g smjör, við stofuhita
1/3 b sykur
1 stórt egg

Sítrónusmjör:
3 stór egg
3/4 b sykur
1/3 b ferskur sítrónusafi (ca úr 2-3 sítrónum)
50 g smjör
1 msk rifinn sítrónubörkur
smá matarlitur.

Marengs:
4-5 eggjahvítur
1/2 b sykur (eða rúmlega það)
1/3 tsk vínsteinslyftiduft

Botn: Blandið öllu saman og látið standa í amk 2 klst.

Sítrónusmjör: Þeytið vel saman egg og sykur. Bræðið smjör í potti, bætið við sítrónusafa og berki og hellið loks eggjahrærunni saman við. Látið sjóða í ca 8 mín og hrærið stanslaust í á meðan. Kælið.

Marengs: Þeytið mjög vel saman hvítur og sykur, bætið við vínsteinslyftidufti í lokin.

Svo er það baksturinn: Setjið bökudeigið í form, þrístið því í botninn og upp með hliðunum. Bakið við 180°C í um 15 mín, getur verið gott að hafa álpappír yfir. Smyrjið sítrónusmjörinu yfir og bakið við 175°C í 7-10 mín. Látið loks marengsinn yfir og bakið við 175°C í um 15 mín eða þangað til marengsinn er fallega gylltur að ofan.

🍋

— -MARENGSUPPSKRIFTIR —

🍋