Hvert á ég að setja servíettuna þegar: a. ég fer á klósettið b. máltíð er lokið?
Munum að servíettan á að vera í kjöltunni á meðan við snæðum. Tökum hana úr brotunum, án þess að hrista hana með látum, og leggjum tvöfalda í kjöltuna. Við byrjum ekki að borða fyrr en hún er komin þangað.
Þegar farið er á snyrtinguna er servíettan lögð í stólinn og stóllinn færður að borðinu. Sumum finnst betra að leggja servíettuna á stólbakið eða á arminn.
Að lokinni máltíð er munnþurrkan lögð snyrtilega vinstra megin við diskinn (eða þar sem diskurinn var). Eina skiptið sem servíettan er höfð um hálsinn er þegar ostrur eru snæddar eða annar slíkur „vandræðamatur” sem á það til að frussast…
BORÐSIÐIR — SERVÍETTA — VEITINGA- OG KAFFIHÚS —
.
