Lúxusfiskréttur með rækjum
Í sumar var ég að kaupa eitt og annað í hinni ágætu búð Vaski á Egilsstöðum. Þegar heim var komið tók ég eftir að í kaupbæti hafi ég fengið uppskrift að fínasta fiskrétti. Að vísu átti ég ekki til ananas í dós svo hann er innan sviga hér að neðan. Fiskurinn fór á botninn í eldfast form, grænmetisrjómasósan yfir og loks rækjurnar. Gullfallegur og verulega góður réttur.
.
— FISKUR Í OFNI — FISKUR Í RASPI — EGILSSTAÐIR — FISKRÉTTIR — FISKIBOLLUR —
.
Lúxusfiskréttur með rækjum
800 g þorskur í bitum
300 g rækjur
200 g sveppir í sneiðum
1 laukur
1/2 blaðlaukur
olía til steikingar
1 rauð paprika
1 græn paprika
2 gulrætur
(Lítil dós ananaskurl + safi)
150 g rjómaostur
1 dl rjómi
1 tsk salt
1/2 tsk pipar
1/2 tsk paprika
2 tsk karrý
1 tsk fiskikraftur
Skerið lauk og blaðlauk og mýkið í olíu á önnu. Bætið við papriku, gulrótum, sveppum og látið steikjast stutta stund. Látið því næst ananas, ananassafa, rjóma og rjómaost. Hitið og hrærið í þangað til allt er leyst upp.
Bætið fiskinum saman við og látið krauma í um 10 mín. Stráið rækjum yfir steinselju til skrauts. EÐA látið í eldfast form og bakið við 175°C í 10-12 mín.
Berið fram með hrísgrjónum og góðu salati
— FISKUR Í OFNI — FISKUR Í RASPI — EGILSSTAÐIR — FISKRÉTTIR — FISKIBOLLUR —
— LÚXUSFISKRÉTTUR —
