Matur og fjölbreytt áhrif hans. Fátt er skemmtilegra en borða góðan mat með góðu fólki, það er líka gaman að tala um mat og áhrif hans á líkamann. Við Elísabet Reynisdóttir, Beta Reynis næringarfræðingur, fórum til Sigurlaugar M. Jónasdóttur í viðtal og sögðum þar sögu okkar. Frá því í haust höfum við hist reglulega. Fyrst byrjaði ég á því að skrifa matardagbók, síðan tóku við ýmsar skemmtilegar „tilraunir“ til að sjá hvernig ég mundi bregðast við og hver upplifunin væri. Allt þetta of fjölmargt annað í þættinum Segðu mér á Rás 1. Hlusta má á þáttinn hér.
Í framhaldi af fundum okkar Betu vorum við beðin að halda fyrirlestra sem við höfum gert okkur til mikillar ánægju. Það má senda öðru hvoru okkar póst ef þið hafið áhuga á fyrirlestrum. Netföngin eru albert.eiriksson (@)gmail.com og betareynis (@) gmail.com
Að stórum hluta berum við ábyrgð á eigin heilsu. Auk þess að blogga um það sem gerðist birti ég nokkum myndbönd. Hluti af þeim er hér fyrir neðan.
Hér má sjá myndband frá fyrsta fundi okkar Betu Reynis
Eftir að hafa haldið matardagbók í heila viku hélt ég á fund til næringarfræðingsins.
Eitt af fjölmörgum verkefnum sem Beta setti mér fyrir var að taka út osta og drekka mysuglas daglega. Satt best að segja hef ég ekki drukkið mysu í áratugi en hún venst ágætlega.
