Saltfiskhátíð á Tapasbarnum. Við brugðum okkur á Tapasbarinn, en þar er þessa dagana haldin saltfiskhátíð. Það fer hver að verða síðastur því síðasti dagurinn er á miðvikudaginn, 28. febrúar. Þrír matreiðslumeistarar frá Barcelona, þeir Jordi Asensio, Francisco Diago Curto og Guillem Rofes, eru höfundar réttanna. Auk verðlaunaréttanna þriggja eru tveir saltfiskréttir staðarins á sérstökum saltfiskmatseðli.
Hinir spænsku matreiðslumeistarar hafa verið á landinu undanfarna daga, eldað fyrir gesti og kennt íslenskum/portúgölskum kokkum handtökin. Saltfiskréttirnir eru mjög vinsælir og mikil aðsókn alla daga síðan hátíðin byrjaði.
Fyrir áramót hélt Íslandsstofa keppnina Islandia al Plat úti í Barcelona í tengslum við kynningarstarf þar í landi á íslenskum saltfiski. Matreiðslumeistararnir sem komu hingað til lands urðu í fyrstu þremur sætunum í þeirri keppni og réttirnir því sigurréttirnir. Keppnin heppnaðist vel og kynningarstarfið einnig en úrvals hráefni, saltfiskurinn er auðvitað.
Saltfiskur með fersku spínati „Sofrito a la Catalana“ og mousselinasósu með mjúkum hvítlauk. Höfundur: Guillem Rofes
Saltfiskur á stökku þorskroði með Pilpil-grænbaunasósu og Vizacaínasósu. Höfundur: Jordi Asensio
Confit eldaðar saltfisksneiðar með sýrðum sveppum, eplum og chili. Höfundur: Francisco Diago Curto
Saltfiskur með chorizo í tómatdöðlumauki
Steiktur saltfiskur með sætri kartöflumús og pestói
Bjarni Magnús þjónaði til borðs og stóð sig með mikilli prýði.
Eftirréttaplatti Tapasbarsins: Súkkulaði fantasía, Crema Catalana, ekta súkkulaðiterta og hvítsúkkulaði skyrmousse
Samantekt: Ólíkir réttir, hver öðrum betri, andrúmsloftið notalegt, fínasta tónlist og þjónusta frábær.
