Rabarbara- og engiferdrykkur – sumarlegur og svalandi.
Það er hressandi á björtum sumardögum að fá sér svalandi rabarbaradrykk. Það er upplagt að setja drykkinn á flöskur og frysta til að nota í vetur. Rabarbaradrykkinn má þynna með vatni eða með sódavatni. Látum ekki rabarbarann fara til spillis útbúum úr honum drykk eða bökum úr honum.
— RABARBARI — ENGIFER — DRYKKIR —
.
Rabarbara- og engiferdrykkur – sumarlegur og svalandi
2-2,5 kg rabarbari
4 l vatn
2 b sykur
1 1/2 b gróft saxað engifer (eða í sneiðum)
safi úr 1 sítrónu
1/2 tsk salt
1 b sólberjasaft (eða rúmlega það)
Setjið vatn, sykur, engifer, sítrónusafa, salt og sólberjasafa í pott og sjóðið í um 10 mín. Skerið rabarbarann í grófa bita og bætið saman við. Látið sjóða í um 5 mín. Slökkvið undir og látið kólna í pottinum. Sigtið safann frá og setjið á flöskur. Kælið. Drykkinn þarf að þynna, annað hvort með vatni eða sódavatni.
