Gulrótakaka - Anna og Snædís bjóða upp góða gulrótaköku

Gulrótakaka – Anna og Snædís bjóða upp góða gulrótaköku

Það fer nú að vera með gulrótaköku eins og margt annað gott kaffimeðlæti, það er næstum því orðið klassískt kaffimeðlæti. Gengilbeinurnar mínar, þær Anna Kristín Sturludóttir og Snædís Agla Baldvinsdóttir bökuðu reglulega gulrótaköku á Þorgrímsstöðum í sumar.

— GULRÓTATERTUR — GULRÆTUR — TERTUR — ANNA KRISTÍN — SNÆDÍS AGLA —

Gulrótakaka – Anna og Snædís bjóða upp góða gulrótaköku

1 1/2 b (spelt)hveiti

1/2 b (hrá)sykur

1 tsk lyftiduft

1 tsk matarsódi

2 tsk kanill

1 tsk salt

2/3 b olía

2 egg

1 b rifnar gulrætur

1/2 b ananaskurl með vökvanum

1 tsk vanilludropar

Þeytið vel saman egg og sykur. Blandið þurrefnunum saman ásamt gulrótum á meðan eggin og sykurinn þeytist. Bætið við þurrefnum, ananaskurli ásamt vökvanum og vanillu. Smyrjið tertuform og hellið deiginu í. Bakið við 175°C í um 35 mín.

Krem

200 g rjómaostur

1-2 msk rjómi

1 tsk vanilludropar

1/2 b flórsykur

pekanhnetur til skrauts

Þeytið saman rjómaosti, rjóma og vanillu á hægum hraða. Bætið flórsykri saman við. Smyrjið yfir tertuna og skreytið með pekanhnetum.