Hvít jól
Carola sigraði með glæsibrag í smákökusamkeppni Kornax í ár. Passlega sætar smákökur og sítrónusmjörið gerði frískandi bragð. Toppurinn var svo hvíta súkkulaðið og gullsnjórinn þar ofan á. Carola er vel að fyrsta sætinu komin. Bökum smákökur gott fólk.
.
Hvít jól
1 ¾ bolli hveiti
½ tsk lyftiduft
¼ tsk salt
115 g smjör (mjúkt)
½ bolli púðursykur
½ bolli sykur
1 egg
1 tsk vanilludropar
Rifið hýði af einni sítrónu
2 msk sítrónusafi
1 ½ bolli rifinn kókos, mjúkur úr pokum (sjá mynd fyrir neðan)
100 g hvítir súkkulaðidropar frá Nóa Síríus
Fylling:
2 dl lemon curd
3 dl kókosflögur (muldar gróft)
Súkkulaðihjúpur:
200 gr hvítir súkkulaðidropar frá Nóa Siríus
Hitið ofninn í 180°C, setjið kókosflögur á bökunarpappír í ofnskúffu og ristið í ofni í um.þ.b.. 5 mín. (Passið að brenna ekki, á að vera gullið á lit).
Hrærið mjúku smjöri og sykri saman, bætið við eggi, vanilludropum, rifnum sítrónuberki og sítrónusafa við deigið, hrærið þar til það hefur blandast vel saman. Þá er hveiti, lyftidufti og salti bætt við. Blandið að lokum kókosflögum og hvítu súkkulaði saman við.
Setjið inn í ísskáp í um.þ.b. 30 mín, búið til kúlur og setjið á bökunarpappír.
Þrýstið þumli í miðja kökuna til að búa til góða holu.
Hrærið saman lemon curd og kókosflögum í skál. Setjið þá góða teskeið af fyllingu í hverja köku og bakið í um.þ.b. 12 mín við 180°C. Kælið kökurnar.
Bræðið 200 gr af hvítum súkkulaðidropum yfir vatnsbaði og setjið yfir hverja köku með teskeið. Skreytið að vild.
–
— HVÍT JÓL – VERÐLAUNASMÁKÖKUR —
–
