Auglýsing
uber kurteisi leigubílar þjórfé  Ubergóð ráð og siðir - Á að gefa þjórfé?
Ubergóð ráð og siðir – Á að gefa þjórfé?

Uber bílaleigubílar eru leyfðir í mörgum borgum og bæjum. Í grófum dráttum virkar þetta þannig að fólk hleður niður smáforriti og pantar bíl með því. Áfangastaðurinn er sleginn inn áður og hægt er að sjá þá bíla sem eru lausir í nágrenninu. Eftir staðfestingu má fylgjast með á skjánum hvar bíllinn er og eftir hversu margar mínútur hann er væntanlegur. Síðan ekur bílstjórinn farþegana á áfangastað og greiðslan fer fram í gegnum appið (greiðslukort er tengt við það í upphafi). Að lokinni bílferðinni er gestinum boðið að gefa bílstjóranum stjörnur (frá einni upp í fimm), skrifa umsögn og greiða honum þjórfé – allt í gegnum appið.

Þjórfé er víðast hvar á undanhaldi í hinum vestræna heimi. Það er sjálfsagt að greiða afar liprum, þjónustulunduðum bílstjórum þjórfé sem buna út úr sér gagnlegum umbeðnum upplýsingum. Ef um er að ræða „venjulegan“ akstur frá einum stað til annars sleppum við því.

Ubergóð ráð og siðir – Á að gefa þjórfé?

Alltaf 5 stjörnur. Nema auðvitað bílstjórinn hafi verið ókurteis, spilað tónlistana of hátt eða angrar farþegana á annan hátt.

Sleppum því að borða eða drekka í bílnum

Bílstjórinn gefur farþegunum stjörnur/ummæli (muna að haga sér vel)

Fyrir kemur að bílstjóri hætti við ferðina eftir að hafa lagt af stað. Þá rukkar Uber viðskiptavininn um lágmarksupphæð. Þetta er ekki til fyrirmyndar. Sjálfur hef ég nokkrum sinnum lent í þessu. Þá hef ég gert athugasemd og fengið endurgreitt.

Þessi litla fyrirspurn varð kveikjan að færslunni.

FLEIRI KURTEISISFÆRSLUR

Ferðast um Varsjá með Uber leigubíl
Auglýsing

1 athugasemd

Comments are closed.