Ómótstæðileg kókosbollusæla
Auðvitað má nota hvaða ávexti sem er saman við rjómann. Eina ástæðan fyrir því að ég valdi jarðarber, hindber, mangó og vínber eru fallegir litir. Yfir fór fagurgult heimagert Sítrónusmjör. Ef þið eigið ykkur uppáhalds súkkulaði má gjarnan bæta því við. Kjörið kaffimeðlæti eða eftirréttur.
.
— KÓKOSBOLLUUPPSKRIFTIR — MAKKARÓNUR — MARENGS — SÍTRÓNUSMJÖR —
.
Ómótstæðileg kókosbollusæla
ca 12-14 makkarónukökur
1 dl sérrý
1/3 tsk salt
1/4 l rjómi
4 kókosbollur
1/2 marengsbotn, brotinn gróft
1 mangó, skorið í bita
1 pera, skorin í bita
1 msk sítrónusafi
1 ds fersk jarðarber
1 b vínber
2-3 msk sítrónusmjör
1/2 b Nóa kropp
Brjótið makkarónur í tvennt, raðið í botninn á formi. Hellið sérrýinu yfir og stráið salti þar yfir. Stífþeyrið rjómann, bætið saman við kókosbollum, ávöxtum og sítrónusafa. Blandið saman við með sleif. Setjið yfir makkarónukökurnar. Dreifið úr sítrónusmjörinu yfir.
Skreytið með vínberjum og Nóa kroppi. Látið standa í 2-3 klst áður en hún er borin á borð.
🇮🇸
— KÓKOSBOLLUUPPSKRIFTIR — MAKKARÓNUR — MARENGS — SÍTRÓNUSMJÖR —
— ÓMÓTSTÆÐILEG KÓKOSBOLLUSÆLA —
🇮🇸
