Kornflexterta – klárlega ein sú besta
Það eru til kökur sem eru meira en bara eftirréttir – þær eru minningar, kaffiboð, hlátur og smá nostalgía á diski. Kornflekstertan er ein af þeim. Hún er hæfilega stökk, mjúk, sæt og djúsí á sama tíma. Þessi útgáfa er klassísk og ótrúlega góð, með perurjóma á milli botna og silkimjúku súkkulaðikremi ofan á. Kornflextertan var í kaffiveislu kvenfélaganna í Eyjafjarðarsveit – þetta er terta sem klikkar einfaldlega ekki.
— TERTUUPPSKRIFTIR — KORNFLEX — AKUREYRI —
.
Kornflexterta
4-5 eggjahvítur
2 b flórsykur
1 b kókosmjöl
4 b kornflex
Stífþeytið eggjahvítur og flórsykur. Bætið við kókosmjöli og kornflexi.
Bakið í tveimur kringlóttum formum – á 130°C í um 3 klst
á milli
1/2 l rjómi
1/2 ds perur
Stífþeytið rjómann, saxið perurnar og bætið þeim saman við.
Krem ofan á kökuna
4-5 eggjarauður
60 g flórsykur
100 g suðusúkkulaði – brætt í vatnsbaði
50 g lint smjörlíki eða smjör
Hrærið saman smjörlíki og flórsykri.
Bætið eggjarauðum saman við og þeytið áfram.
Að síðustu fer súkkulaðið saman við.
Setjið annan botninn á tertudisk.
Dreifið úr perurjómanum yfir og setjið hinn botninn ofan á.
Dreifið úr súkkulaðikreminu yfir og skreytið með jarðarberjum
Kornflekstertan var á boðstólnum í kaffiveislu kvenfélaganna í Eyjafjarðarsveit.
— TERTUUPPSKRIFTIR — KORNFLEX — AKUREYRI —
.
