Lúðusúpa
Í bernsku voru lúðusúpa og rúgbrauðssúpa í hvað mestu uppáhaldi hjá mér. Edik- og lárviðarlaufsilmurinn fyllti húsið og vitin, og bragðið er alveg einstakt. Gómsæt lúðusúpa eftir uppskrift mömmu bragðaðist alveg jafn vel og í gamla daga. Að vísu hafði ég meira af ediki en hún og bætti við pipar.
Uppskriftin að lúðusúpunni kemur úr Nýju Matreiðslubókinni sem fylgt hefur mömmu öll hennar búskaparár frá því hún var á Kvennaskólanum á Blönduósi á sjötta áratugnum.
.
— FISKISÚPUR — SÚPUR — MAMMA — LÚÐA — RÚGBRAUÐSSÚPA — ÍSLENSKT — KVENNASKÓLAR — NÝJA MATREIÐSLUBÓKIN —
.
Lúðusúpa
1 kg lúða
1 l vatn
salt
1 dl sveskjur
1 dl rúsínur
1 msk sykur
2 msk edik
40 g smjör(líki)
40 g hveiti
1 lárviðarlauf
Bræðið smjör í potti, bætið við hveiti og hrærið vel saman. Hellið vatni saman við og hitið. Hrærið kekkjalaust þegar vatnið er orðið volgt. Látið suðuna koma upp og bætið við salti, sveskjum, rúsínum, sykri, ediki og lárviðarlaufi. Skerið lúðuna í frekar litla bita og bætið út í. Sjóðið í nokkrar mínútur.
🇮🇸
— FISKISÚPUR — SÚPUR — MAMMA — LÚÐA — RÚGBRAUÐSSÚPA — ÍSLENSKT — KVENNASKÓLAR — NÝJA MATREIÐSLUBÓKIN —
— LÚÐUSÚPA – KLASSÍSKA GÓÐA UPPSKRIFTIN —
🇮🇸
