Nammimarengsterta
Kannski ekki mesta heilsuterta sem til er, en bragðaðist afar vel. Þetta snýst kannski ekki endilega um hvað við borðum á jólum heldur hvað við borðum fram að næstu jólum. Njótum lífsins og matarins.
— MARENGSUPPSKRIFTIR — TERTUR — VÍNBER – NÓAKROPP —
.
Nammimarengsterta
Marengs:
6 eggjahvítur
350 g sykur
¾ tsk edik
¾ tsk vanillusykur
½ tsk salt
Þeytið allt saman, hægt fyrst svo að sykurinn bráðni, en aukið hraðann smám
saman þar til hvíturnar eru pinnstífar. Smyrjið á bökunarpappír á ofnplötu með
því lagi sem passar á tertudiskinn sem ætlaður er. Bakið við 100°C í 2 klst.
Slökkvið á ofninum án þess að opna hann og leyfið honum að kólna áður en
marengsinn er tekinn út.
Krem:
4 dl rjómi
150 g Hrískúlur eða Nóakropp
100 g Lindubuff
Skraut:
Vínber
Bláber
Þeytið rjómann og blandið saman við Hrískúlurnar. Smyrjið rjómanum á tertuna, þvoið skæri, klippið Lindubuff í ræmur og raðið ofan á, í áttina að miðju. Setjið kökuna í ísskáp í nokkrar klukkustundir. Raðið vínberjum og e.t.v. bláberjum ofan á áður en tertan er borin fram.
.
— MARENGSUPPSKRIFTIR — TERTUR — VÍNBER – NÓAKROPP —
.
