Glútenlaus skyrterta

Glútenlaus skyrterta, skyr, terta
Glútenlaus skyrterta

Glútenlaus skyrterta

Söngfuglarnir Örvar Már Kristinsson og Þóra Björnsdóttir eru höfðingjar heim að sækja. Það fer ekki fram hjá vinum þeirra á fasbókinni að Örvar hefur tekið miklu ástfóstri við Sous Vide græjuna sína og notar hana óspart. Í eftirminnilegri matarveislu þeirra hjóna var þessi guðdómlega glútenlausa skyrterta.

.

ÖRVAR MÁR OG ÞÓRASKYRTERTUR

.

Glútenlaus skyrterta

5 egg
1 kg skyr
150 g sykur
250 g smjör (mjúkt)
2 tsk vanillusykur
2 pk Royal vanillubúðingur
1 dós niðursoðin jarðarber án safans

Aðskiljið eggin, stífþeytið eggjahvíturnar.
Hrærið saman eggjarauðum, mjúku smjöri, sykri, vanillusykri og vanillubúðingi þar til það verður kremað. Bætið við skyrinu og síðan jarðarberjum.
Hrærið að lokum eggjahvítur varlega saman við með sleif.
Setjið bökunarpappír utan um botninn á forminu (nota springform) hellið massanum í formið og bakið við 180° undir og yfir hita í ca 50 mín.
Láta kólna í forminu
Rifið súkkulaði og fersk jarðarber til skreytingar

Örvar Már, Þóra Björnsdóttir, matarboð
Örvar Már Kristinsson, Bergþórs, Mogens G. Mogensen, Þóra Björnsdóttir, Margét Líndal Steinþórsdóttir og Albert. Margrét og Örvar eiga og reka saman Reykjavík Culture Travel ferðaskrifstofuna sem sér hæfir sig í menningartengdri ferðaþjónustu.
Glútenlaus skyrterta, skyr, terta
Glútenlaus skyrterta

ÖRVAR MÁR OG ÞÓRASKYRTERTUR

Auglýsing

Meira úr sama flokki

Þorrinn og þorramaturinn – rammíslenskt

Þorrinn og þorramaturinn. Stundum heyrist að þorramaturinn sé skemmdur matur og ekki mönnum bjóðandi, ekki veit ég hvernig sá misskilningur varð til. Hið rétta er að súrsunin er geymsluaðferð sem notuð hefur verið notuð hér á landi í aldir. Súrsun, söltun, þurrkun og reyking eru aðferðir sem voru algengar öldum saman og eru enn. Fólk bjargaði sér í gamladaga og gerir enn.

Verum stolt af íslenska þorramatnum og nýtum enn frekar. Það liggja mörg tækifæri í honum. Hvernig væri að opna veitingahús sem einungis býður upp á þorramat, allan ársins hring. Slíkt mundir slá í gegn hjá ferðamönnum.

Fyrri færsla
Næsta færsla